Konferensııanyń plenarlyq májilisinde oblys ákimi Arhımed Muhambetov jerles akademıkti mereıjasymen quttyqtady. Onyń ǵylymdaǵy, qoǵamdyq jumystardaǵy eńbekterin, azamattyǵyn atap ótti.
«Kenjeǵalı Ábenuly Elbasynyń senimdi merikteriniń biri retinde Táýelsiz eldiń ekonomıkasyn qurýǵa atsalysyp keledi. Parlament depýtaty bolyp júrgende birqatar basty máselerdiń sheshimin tabýyna qatysty. Ásirese, onyń Ortalyq-Batys tas jolyn salý týraly bastamasy qoldaý taýyp, bes óńirdiń ekonomıkalyq-áleýmettik máselesin sheshýge muryndyq boldy. Kenjeǵalı aǵa kindik qany tamǵan Qostanaı oblysyna ylǵı at basyn buryp, kóptegen isterge aralasyp júredi. Týǵan jerindegi birneshe mekteptiń qurysyna, materıaldyq-tehnıkalyq bazasyn nyǵaıtýǵa qatysty. Amankeldi aýdanynda 3 mektep, Jangeldın aýdanynda 2 mekteptiń qurylysynyń júrýin qarjylandyrdy, ózi oqyǵan Áýlıekól mektebine mýltımedııalyq kabınetti syıǵa tartty. Týǵan jerindegi jastarǵa stıpendııa taǵaıyndap, olardyń joǵary bilim alýyna jaǵdaı jasap otyrdy. Olardyń aldy qazir qyzmetterge aralasty. Ǵalymnyń azamattyq tulǵasyn Qostanaı óńirinde júrgizgen isterinen anyq kóremiz. Osydan bir jarym jyl buryn Áýlıekól selosynda A.Baıtursynovqa eskertkish ornatyldy. Onyń ashylýyna ózi qatysyp, óziniń uıymdastyrýymen respýblıkalyq ǵylymı-praktıkalyq konferensııa ótkizdi. О́tken jyly ǵalymnyń yqpalymen qor qurylyp, qarjy jınap, Shaqshaq Jánibekke eńseli eskertkish ornatyldy» dedi Arhımed Begejanuly. Akademıkti QR UǴA prezıdenti Murat Jurynov, jazýshy Jabal Erǵalıev, Avstrııa zııatkerlik ıntegrasııa ınstıtýtynan kelgen Doktor Oskar, taǵy basqalar quttyqtady. Ýnıversıtet rektory Huseıin Valeev mereıjas ıesine shapan jaýyp, qurmet kórsetti.
Mereıtoıǵa arnalǵan ǵylymı-teorııalyq konferensııada ǵalymnyń Kembrıdjden aǵylshyn tilinde jaryq kórgen «Qazaqstandaǵy reformalar: analıtıkalyq kózqaras» atty kitabynyń tusaýkeseri ótti. Munan keıin Kenjeǵalı Saǵadıevtyń ózi sóz sóılep, Táýelsiz Qazaqstandaǵy ekonomıkanyń damýy, tyǵyryqtan shyqqan jyldar týraly aıtyp berdi. Konferensııaǵa Asvtrııadan, Reseıden kelgen ǵalymdar sıfrlandyrý, ıntegrasııa týraly pikirlerin ortaǵa saldy. Osy basqosýǵa jınalǵan ǵalymdar men oqytýshylar eki seksııaǵa bólinip, el ekonomıkasyndaǵy sıfrlyq jáne aqparattyq-teleýkommýnıkasııalyq tehnologııalar jáne agroónerkásip keshenin damytýdyń negizi jónindegi máselelerdi taldady.
Názıra Járimbet,
«Egemen Qazaqstan»
Qostanaı
Sýretti túsirgen Asylan Qanhojın
